A Conselharia de Educaçom vem de publicar a convocatória de provas de acesso à F.P. destinadas para o alunado que nom possui os requisitos ordinários de acesso a estes estudos: título de graduado em secundária (para a F.P. de grau médio) ou título de bacharel (para a F.P. de grau superior).A prova para o acesso ao grau superior será o dia 2 de abril e o prazo de inscriçom na mesma decorre entre o 24 de janeiro e o 4 de fevereiro. Pola sua parte, a prova do grau médio será o 3 de junho e o prazo de inscriçom do 28 de fevereiro ao 11 de março. As solicitudes de inscriçom apresentarám-se em qualquer instituto ou centro público que oferecer atualmente estudos de formaçom profissional. O calendário completo do processo e toda a informaçom relevante sobre estas provas pode consultar-se na web-fp da conselharia de educaçom.
Estrutura e organizaçom da prova para o grau superior
A prova de acesso ao grau superior abrange umha parte comum referida a contidos de língua galega, língua castelhana e matemáticas, e outra específica com três opçons (A, B, C) entre as que o alunado deverá escolher umha, segundo as famílias profissionais da súa preferência. Em cada umha destas opçons aparecem três matérias de referência do bacharelato entre as que o alunado deverá escolher duas para a realizaçom da prova (vid. quadro).
Estrutura e organizaçom da prova para o grau superior
