terça-feira, 19 de junho de 2012

Admissom (preinscriçom) nas universidades galegas

O prazo ordinário para solicitar a admissom (preinscriçom) nas titulaçons com limite de praças (este ano praticamente todas) abrange do 18 de junho ao 3 de julho. No sítio web da Comissom Interuniversitária Galega (CiUG) pode ver-se toda a normativa do procedimento de admissom, o listado completo das titulaçons nas três universidades galegas e os endereços de todos os Lugares de Entrega e Recolha de Documentaçom (LERDs).

F P : solicitude de praças para o próximo curso 2012-13

Já está aberto o prazo (entre o 18 de junho e o 2 de julho) de solicitude de praças nos ciclos médios e superiores da Formaçom Profissional para o próximo curso 2012-13. O processo pode realizar-se na secretaria de qualquer centro onde haver estudos de FP.
No sítio web da conselharia de educaçom pode ver-se a oferta completa e atualizada dos ciclos de FP, tanto polo regímen ordinário como a oferta específica para as pessoas adultas.
Também resulta de interesse consultar a relaçom de ciclos que implantam neste próximo curso o currículo renovado segundo a LOE, entre os que ademais se incluem quatro de nova criaçom: Energias renováveis (da família Energia e água), Animaçons 3D, jogos e contornos interativos (da família Imagem e som), Estilismo e direçom de penteado (da família Imagem pessoal) e Educaçom e controlo ambiental (da família Segurança e meio ambiente).