P.A.U. 2015

Provas de Acesso à Universidade no âmbito galego.

Calendário básico das provas na convocatória de junho:

Matrícula nos centros .................. 26 a 29 de maio
Realizaçom dos exames .............. 10, 11 e 12 de junho
Qualificaçons provisionais ........... 19 de junho
Solicitude de reclamaçom ou 2ª correçom ....... 20 a 23 de junho
Qualificaçons trás reclamaçons ........................ 26 de junho
Solicitude de revisom da 2ª correçom .............. 29 de junho a 1 de julho
Qualificaçons definitivas .................................. 2 de julho

Parâmetros de ponderaçons das matérias da fase específica: ver aqui.

Titulaçons e número de prazas para o curso 2015-16 , junto a notas de corte da admissom correspondente ao 2014-15, ver aqui.

Mais info no sítio web da Comissom InterUniversitária Galega (CIUG)

 

"Decreto Filgueira" - documentário

Um filme de OZO PEROZO

Atualmente trabalha na série da TVG O Faro, tem participado em outras produções de sucesso como Padre Casares ou Matalobos.

SINOPSE

Durante os anos 70, quando já se adivinhavam os perfis da Democracia, o mais constante debate lingüístico galego de todos os tempos, o da orientaçom ortográfica, reaparece com força. Como alternativas ao modelo de Galaxia, cujos esforços se centravam em manter a chama de umha cultura própria suportável para o Franquismo, concretizam-se duas novas propostas antagónicas. Por um lado, a que pretendia restaurar a afirmaçom lusista do galeguismo do pré-guerra, pouco a pouco aglutinada em torno da figura de Carvalho Calero. Por outro, a que defendia construir um galego independente do português, que tinha como guia o trabalho dialetológico do Instituto da Língua Galega. Ambas contárom com defensores de grande altura intelectual. Porém, chegados os anos 80, umha rápida sucessom de acontecimentos políticos, acabaria por fazer com que umha figura se tornasse imprescindível para explicar o desfecho de um conflito com epicentro em 1982. Filgueira Valverde, que representava a continuidade do modelo cultural que em torno do galego se tinha gerado durante os anos da Ditadura, deu nome a um Decreto fundamental para compreender a orientaçom que seguiu a língua até a atualidade.

Falam de avaliaçom, mas querem dizer exame

Artigo de Humberto Morám publicado em Praza Pública o 8 de maio.

"As pessoas que atualmente dirigem os assuntos educativos usam umha linguagem que bem poderia ser qualificada de “litúrgica”. Na contrarreforma mais recente, ao tempo que constatamos umha decidida volta ao passado mais obscuro, observamos porém que os seus autores continuam a usar muitas palavras que referem conceitos introduzidos polos renovadores progressistas dos sistemas educativos europeus do século XX: currículo, avaliaçom formativa, atençom à diversidade, … Estes termos pertencem a umha forma muito diferente de entender o ensino mas os atuais legisladores mantêm boa parte deles sem acreditar no seu significado. Assim é que realizam a cerimónia de falar de avaliaçom formativa mas só pensam nos tradicionais exames escritos. Falam pomposamente de currículo e na prática tudo fica reduzido a publicar o “temário” dumha “disciplina” que os estudantes deverám “saber”. Chegam ao cinismo de usar o conceito de atençom à diversidade à mesma vez que o prostituem desenhando um implacável mecanismo que pretende selecionar o alunado mediante etiquetas e segregaçons já desde a educaçom primária. E assim por diante..."

Ler o artigo completo.

Acesso e admissom nos estudos artísticos superiores para o próximo curso 2015-16

As instruçons para acesso e admissom nos estudos artísticos superiores do curso 2015-16 podem-se ver nos seguintes vínculos:
-  Desenho
-  Arte dramática
-  Conservaçom e restauraçom de bens culturais
-  Música

Mais info no sítio web de estudos artísticos da conselharia de educaçom.