terça-feira, 13 de junho de 2017

Solicitude de praça nos ciclos de F P para o curso 2017-18


Entre os dias 26 de junho e 4 de julho poderá-se solicitar praça nos ciclos da Formaçom Profissional, tanto de grau médio como superior. Os periodos de matrícula anunciam-se a partir do 18 de julho.
Também no mês de setembro será possível apresentar solicitudes, ainda que só haverá entrada nos ciclos com praças vacantes nessa altura.
Pode-se ver todo o calendário de admissom aqui.
Mais info no sítio web da FP da conselharia de cultura, educaçom e ordenaçom universitária.


segunda-feira, 29 de maio de 2017

Provas de acesso à universidade 2017

Eis o calendário com as principais datas das provas deste ano:

- Matrícula nos centros: 23 a 26 maio
- Exames: 7, 8 e 9 de junho
- Qualificaçons provisionais: 16 junho
- Solicitudes de reclamaçom e 2ª correçom: 17 a 20 junho
- Qualificaçons definitivas: 28 junho

Mais info no sítio da CIUG.

http://ciug.gal/

terça-feira, 16 de maio de 2017

Acesso e admissom nos estudos artísticos superiores para o curso 2017-18

 
Acesso e admissom nos estudos superiores de Arte Dramática.

Acesso a admissom nos estudos superiores de Conservaçom e Restauraçom de Bens Culturais.

Acesso e admissom nos estudos superiores de Desenho.

Acesso e admissom nos estudos superiores de Música.




Mais info no sítio web dos ensinos artísticos da conselharia de cultura e edicaçom.


terça-feira, 18 de abril de 2017

XXV Jornadas de Orientaçom Universitária e Profissional

Nesta semana, entre os dias 18 e 21 de abril, desenvolvem-se no Centro Universitário de Riazor as mesas informativas sobre estudos universitários com as que rematam estas jornadas. Previamente, na semana do 3 ao 7 deste mesmo mês, realizárom-se as visitas aos centros de FP da Corunha para conhecer de jeito mais directo as características dos ciclos actualmente em funcionamento.
Temos toda a informaçom sobre as jornadas na web educativa do concelho da Corunha.

http://edu.coruna.es/ga/content/download/39676/342559/file/XOUP%202017.pdf


terça-feira, 7 de fevereiro de 2017

Provas de acesso aos ciclos de F P

Esta semana começa o prazo para inscrever-se nas provas de acesso à FP de grau superior: entre o 6 e o 15 de fevereiro. Estas provas dirigem-se às pessoas que nom possuem as titulaçons que permitem o acesso directo e estruturam-se em duas partes: parte comum e parte específica.  A informaçom completa sobre a estrutura das provas e o processo de inscriçom pode-se ver nesta nota informativa. Também se podem consultar aqui os conteúdos de referência e os critérios de avaliaçom que se utilizam nas provas.
Pola sua parte, as provas de acesso à FP de grau médio vam ter o seu prazo de inscriçom entre o 13 e o 23 de março. Nesta nota informativa pode-se ver a informaçom sobre a inscriçom e a estrutura das provas e também se podem consultar os conteúdos e os critérios de avaliaçom das mesmas.
No seguinte vínculo podemos ver o calendário completo com todas as datas relativas às provas, tanto de grau médio como superior.
Toda a informaçom e seguimento sobre as provas em :   http://www.edu.xunta.es/fp/probas.


quinta-feira, 24 de novembro de 2016

Notas de corte 2016 - 17 nas universidades galegas

http://ciug.gal/Rematado o processo de adjudicaçom de praças no sistema universitário galego para este curso 2016-17 vêm de publicar-se as notas de corte resultantes nas diversas titulaçons. Junto a elas figura o número de praças que se ofertavam e mesmo, no seu caso, a indicaçom de terem ficado algumas vacantes.

Na Universidade da Corunha podemos salientar Enfermaria (10,00), Fisioterapia (10,40) e a simultaneidade Direito+ADE (10,132) que ofertavam 60 praças nos três casos. Pola sua parte ficaram praças vacantes em Arquitectura, que ofertava 200.
Na Universidade de Santiago de Compostela destacam, como vem sendo habitual, Medicina (12,278), que ofertava 360 praças, e Odontologia (11,85) que ofertava 50. Também habituais som as vacantes em Filologia Clássica e Filosofia, que ofertavam 50 e 65 respectivamente.
Na Universidade de Vigo destaca a nova titulaçom Engenharia Aeroespacial em Ourense (10,178), Fisioterapia em Pontevedra (10,244) e Traduçom e Interpretaçom Espanhol-Inglês (10,846) em Vigo, com oferta de 50 praças nos três casos. Pola contra, ficaram praças vacantes em ADE de Ourense, que ofertava 100, em Comércio de Vigo, que ofertava 110, e em Engenharia dos Recursos Mineiros e Energéticos que ofertava 50 também em Vigo.

terça-feira, 31 de maio de 2016

Provas de acesso à universidade 2016



Eis o calendário com as principais datas relativas às PAU 2016 na convocatória de junho:

24 a 27 de maio - matrícula nos centros
8, 9 e 10 de junho - exames das PAU
17 de junho - publicaçom das qualificaçons provisionais
18 a 21 de junho - solicitudes de reclamaçom e/ou 2ª correçom
23 de junho - publicaçom das qualificaçons trás reclamaçom ou 2ª correçom
27 a 29 de junho - solicitudes de revissom da 2ª correçom
30 de junho - publicaçom das qualificaçons definitivas.

Mais info no site ciug.gal correspondente à Comissom InterUniversitária Galega.