Os dias 9 e 10 de fevereiro vam decorrer na cidade da Corunha as II Jornadas de Cultura, Língua e Ensino, "Galego sem fronteiras. Didácticas do plural", sob a organizaçom da Associaçom Galega da Língua em parceria com a Universidade da Corunha (UdC).Da organizaçom apontam que pretendem "continuar a conhecer formas de aprender na escola... Aprender a partir da nossa língua, com a nossa língua e para chegar a outras línguas". E afirmam que estas jornadas "servirám aos presentes e a futuros ensinantes para receber novas ou velhas formas de Aprender a Ensinar".
Sob a coordenaçom de Montse Castro, Xulio Pardo de Neyra -ambos da UdC, e de Valentim R. Fagim, presidente da AGAL, além da colaboraçom de diversos estudantes, estarám na Corunha Quico Cadaval, José-Martinho Montero Santalha, Lourdes Carita, Imaxin Software, Comba Campoi, Pepe Carreiro, Xurxo Souto e A Minha Embala.
Inscriçom gratuita
Para poder assistir às jornadas, está já aberto um período de inscriçom até o dia 7 de fevereiro, incluído esse dia. Será preciso enviar um co-e para jornadas2011@agal-gz.org. Este endereço de e-mail está protegido de spam bots, pelo que necessita do Javascript activado para o visualizar com o assunto "Jornadas", indicando o nome completo e o número do Documento de Identidade. A inscriçom é totalmente gratuita.
As Jornadas têm reconhecido um crédito de livre configuraçom e será entregue um Diploma do Departamento de Didácticas Específicas da UdC.
