Yu Ming is ainm dom (O meu nome é Yu Ming): um filme sobre língua ...

Eis um interessante filme escrito e dirigido por Daniel O´Hara sobre a língua na sociedade irlandesa. Em apenas dez minutos narra umha história que começa na China e segue em Irlanda, mas também semelha atingir outras realidades mais próximas ...

Provas de acesso à Formaçom Profissional - Convocatória 2011

A Conselharia de Educaçom vem de publicar a convocatória de provas de acesso à F.P. destinadas para o alunado que nom possui os requisitos ordinários de acesso a estes estudos: título de graduado em secundária (para a F.P. de grau médio) ou título de bacharel (para a F.P. de grau superior).

A prova para o acesso ao grau superior será o dia 2 de abril e o prazo de inscriçom na mesma decorre entre o 24 de janeiro e o 4 de fevereiro. Pola sua parte, a prova do grau médio será o 3 de junho e o prazo de inscriçom  do 28 de fevereiro ao 11 de março. As solicitudes de inscriçom apresentarám-se em qualquer instituto ou centro público que oferecer atualmente estudos de formaçom profissional. O calendário completo do processo e toda a informaçom relevante sobre estas provas pode consultar-se na web-fp da conselharia de educaçom.

II Jornadas de Cultura, Língua e Ensino na Corunha

Os dias 9 e 10 de fevereiro vam decorrer na cidade da Corunha as II Jornadas de Cultura, Língua e Ensino, "Galego sem fronteiras. Didácticas do plural", sob a organizaçom da Associaçom Galega da Língua em parceria com a Universidade da Corunha (UdC).

Da organizaçom apontam que pretendem "continuar a conhecer formas de aprender na escola... Aprender a partir da nossa língua, com a nossa língua e para chegar a outras línguas". E afirmam que estas jornadas "servirám aos presentes e a futuros ensinantes para receber novas ou velhas formas de Aprender a Ensinar".
Sob a coordenaçom de Montse Castro, Xulio Pardo de Neyra -ambos da UdC, e de Valentim R. Fagim, presidente da AGAL, além da colaboraçom de diversos estudantes, estarám na Corunha Quico Cadaval, José-Martinho Montero Santalha, Lourdes Carita, Imaxin Software, Comba Campoi, Pepe Carreiro, Xurxo Souto e A Minha Embala. 

Nova época: mais e melhor

Trás umha temporada de inatividade em "Orientar-se" voltamos neste início do 2011 para retomar  informaçons, sugestons e análises do mundo académico e profissional.
Etapas e itinerários educativos, acesso a estudos superiores, trânsito ao âmbito laboral, perfis profissionais, ..., som alguns dos tópicos da orientaçom vocacional que continuaremos a tratar, junto a outros temas socioeducativos de interesse geral.

Ademais contaremos a partir de agora com a parceria de Otreb Muhnarom, companheiro e amigo, para desenvolver análises críticas, opinions e comentários.