As provas de
acesso aos ciclos de FP dirigem-se a aquelas pessoas que carecem da titulaçom
correspondente que permite o acesso direto (título de graduado em
secundária para a FP de grau médio e título de bacharelato para a FP de
grau superior). Para a inscriçom nas provas de grau médio é necessário
ter cumpridos dez e sete anos no presente ano, enquanto para as provas
de grau superior os requisitos de idade situam-se em dez e nove anos, ou
também dez e oito no caso de a pessoa possuir um título de técnico de
FP dumha família profissional incluída na via escolhida para realizar as
provas.
A estrutura e organizaçom destas provas, os tipos de exames e as suas características podem consultar-se na
nota informativa
publicada pola conselharia de educaçom.
Para as provas do grau superior
o prazo de inscriçom abrange do 28 de janeiro ao 8 de fevereiro e os
exames celebrarám-se o 25 de abril. Pola sua parte, o prazo de inscriçom
para as provas de grau médio abrange do 25 de fevereiro ao 8 de março e
os exames celebrarám-se o 23 de maio. Mais info no
sítio web da FP da conselharia de educaçom.
