Já está em marcha o processo de inscriçom do alunado nas diversas atividades destas jornadas que se vam celebrar na Corunha desde a última semana de março até a terceira de abril sob a organizaçom do Concelho da Corunha e com a colaboraçom das três universidades galegas.
As jornadas, que este ano alcançam a vigésima ediçom, estám dirigidas ao alunado de ensino secundário com a finalidade de ajudar na toma de decissons académicas e profissionais.
Do 26 ao 29 de março (e extraordinariamente o 11 de abril) desenvolvem-se as visitas a todos os centros públicos da Corunha nos que se pode cursar algum título de formaçom profisional, tanto de grau médio como de grau superior. O programa detalhado destas visitas pode-se ver aqui.
A quinta-feira 12 de abril terám lugar umhas mesas informativas sobre estudos profissionais e artísticos com as características de serem nom regulados ou de apresentar singularidades (por exemplo, formaçom militar e de seguridade, estudos nom regulados de turismo, estudos superiores de teatro ou de desenho, ...).
Pola sua parte, entre o 16 e o 20 de abril celebram-se as mesas informativas sobre estudos universitários com a participaçom de alunado, docentes e profissionais relacionadas com as diversas áreas e titulaçons. A distribuiçom dos horários das mesas ao longo dos cinco dias pode consultar-se aqui.
