O próximo 11 de fevereiro remata o prazo para apresentar solicitudes de participaçom no processo convocado pola Direçom Geral de Tráfego para obter Certificado de Aptitude de Professor de Formaçom Viária. O processo inclui umha prova de selecçom e un curso de formaçom, e para aceder ao mesmo cumpre possuir título de Graduado em Secundária ou Técnico (FP grau médio), licença de conduçom da classe B com dous anos de antiguidade ademais das condiçons psicofísicas e psicotécnicas exigidas para a licença do grupo 2. (Texto completo da convocatória).
A prova de seleçom abrange duas partes eliminatórias: umha parte teórica sobre normas relativas a condutores, veículos, circulaçom, sinais e segurança viária, e outra parte prática sobre técnica e domínio da conduçom e a circulaçom em vias abertas ao tráfego. Os aspirantes declarados aptos em ambas partes da prova terám acesso ao curso de formaçom.
O curso, de caráter teórico-prático, começa com umha primeira fase de formaçom a distância organizada em diversas matérias e com dous exames parciais afastados em dous meses como mínimo. Os aspirantes que superarem esta fase pasarám à fase de formaçom presencial, que terá umha duraçom de dez semanas e cuja superaçom leva à obtençom do Certificado de Aptitude de Professor de Formaçom Viária.
