Primeiros indícios do bacharelato galego

A conselharia de educaçom vem de publicar umha ordem no d.o.g. na que estabelece que, exclusivamente para o curso 2008-09, o prazo de solicitudes para o bacharelato nos centros públicos será do 17 de junho ao 2 de julho, mentres que o prazo ordinário de matrícula será do 15 ao 30 de julho.
Ora bem, segundo a normativa de admissom reelaborada o passado ano, o prazo de solicitudes deveria desenvolver-se ao longo do mes de março, mas é evidente que o novo regulamento do bacharelato ainda se vai demorar algum tempo. E quanto tempo? À vista destes prazos que agora se publicam (e dos correspondentes cálculos realizados polos alquimistas de sao caetano) provavelmente até a quarta semana de maio ou a primeira de junho nom se publicará o decreto definitivo.
Mentres tanto só resta aguardar por algum texto provisional, ou bem ... ler máis em catalám.

Novas sobre o bacharelato: o projecto catalám

Fixo-se público recentemente o texto provisional do decreto que haverá de regular o bacharelato em catalunya. A estrutura básica é a estabelecida polo ministério de educaçom no mês de novembro passado, que contempla três modalidades (artes, ciências e tecnologia, humanidades e ciências sociais), incorpora a nova matéria comúm Ciências para o mundo contemporâneo e introduz algumhas novidades nos critérios gerais de promoçom entre o primeiro e o segundo curso (vid. aqui o texto do decreto no b.o.e.).

O projecto catalám concreta as matérias comuns distribuidas em ambos cursos: em primeiro ciências para o mundo contemporâneo, educaçom física, filosofia e cidadania, mais as três línguas; em segundo as três línguas, história e história da filosofia. Como novidade também se inclui umha sessom semanal para tutoria e orientaçom Em cada um dos cursos estas matérias ocupam 14 sessons semanais, mentres que as matérias de modalidade e optativas ocupam 16. Ademais o alunado deve realizar no segundo curso um trabalho de investigaçom como parte da sua formaçom comum, ainda que nom aparece adscrito a umha matéria determinada. Em total, junto às matérias comuns, o alunado deve cursar seis matérias de modalidade, das que como mínimo cinco devem corresponder à modalidade elegida.