24 - O : Greve geral no ensino

Plataforma Galega em Defessa do Ensino Público

Plataforma em Defessa do Ensino Público

P A U 2013 - Provas de acesso à universidade

Eis o calendário básico correspondente às Provas de Acesso à Universidade 2013 na convocatória de junho:

  - 27 maio:  data limite para avaliaçom final de 2º bacharelato

  - 28 a 30 maio: matrícula nos centros

  - 12 a 14 junho: exames das PAU

  - 21 junho: publicaçom das qualificaçons provisionais

  - 22 a 26 junho: solicitudes de reclamaçom ou 2ª correcçom

  - 28 junho: qualificaçons tras reclamaçom ou 2ª correcçom

  - 1 a 3 julho: solicitudes de revissom da 2ª correcçom
  - 4 julho: publicaçom das qualificaçons definitivas.

Pola sua banda, o prazo para a solicitude de admissom nas titulaçons com limite de praças abrange do 25 de junho ao 5 de julho, enquanto os diversos prazos de matrícula se iniciam na 2ª quinzena de julho.

Acesso aos estudos superiores de música, desenho, arte dramática e conservaçom e rest. de bens culturais

O acesso aos estudos superiores de música, desenho, conservaçom e restauraçom de bens culturais e arte dramática requer, ademais de possuir o título de bacharelato, a superaçom de provas específicas. O prazo de inscriçom, as características das provas, os tribunais correspondentes e as instruçons sobre o processo vêm de ser publicadas no dog do 14 de maio.

O processo que se inicia agora em maio desenvolve-se fundamentalmente ao longo do mês de junho, ainda que as datas variam de uns estudos a outros.

Por outra parte, o alunado que nom possui o título de bacharelato tem a possibilidade de mostrar previamente a madureza e os conhecimentos correspondentes mediante a superaçom dumha prova que se celebrará o próximo 7 de junho. No dog do 10 de maio podem-se ver todas as instruçons sobre este processo.

GREVE 9 DE MAIO EM DEFESA DO ENSINO PÚBLICO

Coincidência histórica de professorado, alunado, famílias e pessoal nom docente na convocatória de greve para o dia 9 de maio na defesa do ensino público e contra as reformas que pretende o governo central com a LOMCE do ministro Wert. 

Mais info: 

  

Plataforma Galega en Defensa do Ensino Público

Plataforma en Defensa do Ensino Público.

Vai continuar fraude da fundaçom ecca nos tribunais das provas de graduado em secundária?

A conselharia de educaçom inclui professorado da fundaçom ecca nos tribunais que todos os anos julgam as provas para a obtençom do graduado em secundária. Esta prática fraudulosa proporciona aos aspirantes que preparam as provas nas aulas desta fundaçom privada o privilégio de ter algum dos seus professores entre os membros do tribunal.

Muitas outras entidades privadas e públicas desenvolvem também aulas centradas na preparaçom destas provas, mas nengumha participa em qualquer forma na constituiçom dos tribunais. Porquê a conselharia de educaçom mantém as condições do convénio com a fundaçom ecca que permitem esta fraude?

Podem-se ver mais detalhes sobre este tema na nossa análise do passado ano.

XXI Jornadas de Orientaçom Universitária e Profissional na Corunha

Entre 8 e 19 de abril vai-se desenvolver a ediçom número 21 destas jornadas que organizam o Concelho e a Universidade da Corunha. Na primeira semana (do 8 ao 11) realizam-se as visitas aos centros de F.P. da cidade segundo o calendário e horários recolhidos no folheto informativo das jornadas. Também nesta semana (o dia 9) têm lugar no Forum Metropolitano duas mesas informativas sobre estudos militares e de segurança e, algo mais tarde, sobre estudos superiores de desenho.

Na seguinte semana (do 15 ao 19) desenvolvem-se as mesas informativas sobre estudos universitários (ver calendário e horários no folheto), que este ano se celebram por primeira vez no Centro Universitário de Riazor (CUR).

Na web educativa do Concelho da Corunha podem consultar-se os detalhes do processo de inscriçom e outros aspectos da organizaçom.

Mil e umha razons contra a LOMCE

Eis umha amostra significativa das análises e comentários publicados recentemente para revelar as nefastas implicaçons do anteprojeto de contrarreforma educativa conhecido como LOMCE:

- Análise títulado 10 razóns para rexeitar a LOMCE realizado polo Sindicato de Trabalhadoras e Trabalhadores de Ensino de Galiza (STEG)

- Série de artigos do professor Enrique J. Díez Gutiérrez publicados em "Rebelión", entre os que salientam  Privatización y mercantilismo, Adoctrinamiento sin valores, El talento de segregar, Recentralización y control, Darwinismo educativo.
 - Comunicado reclamando a retirada da LOMCE  por violar o direito à educaçom pública, elaborado pola Aula Castelao de Filosofia.
- Reportagem titulada 14 claves da reforma educativa de Wert" publicada em "eldiario.es".

- Análise realizada polo coletivo "Soy Pública" de Madrid titulada Lo que esconde la LOMCE
- Documento de Jurjo Torres titulado 12 razones para decir NO a la LOMCE, realizado para a campanha "Stop Lei Wert".
- Manifesto elaborado pola Plataforma Galega em Defensa do Ensino Público e lido nas concentraçons do passado 31 de janeiro.
- Manifesto aberto em defensa do ensino público galego! promovido polos Comités Abertos de estudantes e lido nas concentraçons do passado 6 de fevereiro. 
- Notícias da greve e manifestaçons do 6 de fevereiro dos estudantes do ensino nom universitário recolhidas em Praza pública e Sermos Galiza.