Rematado o processo de admissom nas universidades, já podemos consultar os resultados nas diferentes titulaçons. Neste apartado do sítio-web da CIUG pode-se ver o número de praças convocadas e a "nota de corte" resultante para cada umha das titulaçons de todos os campus das universidades galegas.
As notas de corte mais altas correspondem, como em anos anteriores, a Medicina (12,102) com 350 praças e Odontologia (11,722) com 50 praças, ambas em Compostela. A estas vem juntar-se este ano a simultaneidade de Biologia e Química (11,514) no campus da Corunha com só 10 praças convocadas. Também salientam Veterinária (10,038) em Lugo com 110 praças, Jornalismo (9,860) em Compostela com 90 praças, Fisioterapia (10,314) em Pontevedra com 50 praças ou Traduçom e Interpretaçom Espanhol-Inglês (10,074) em Vigo com 50 praças.
De outra parte também cumpre anotar aquelas titulaçons que nom chegárom a cobrir a totalidade das praças convocadas, como por exemplo Arquitectura (200 praças), Arquitectura Técnica (160), Inglês (125) ou Engenharia de Obras Públicas (108) na Corunha, Administraçom e Direcçom de Empresas em Lugo (125) e Ourense (100), Trabalho Social em Compostela (80), Engenharia Florestal (80) e Engenharia de Processos Químicos (80) em Lugo, ou também Comércio (125), Educaçom Infantil (75) e Educaçom Primária (75) em Vigo.
